અનન્યા/080126/આજકાલ-સામાન્યજ્ઞાન

.

*

અનન્યા/080126/આજકાલ-સામાન્યજ્ઞાન

ભારત વિશ્વના નકશા પર સામર્થ્યવાન રાષ્ટ્ર તરીકે ઊભરી રહ્યું છે.

આર્થિક ક્ષેત્રે અમેરિકા ( USA) અને યુરોપ (Europe) ના દેશો સહિત દુનિયાના તમામ રાષ્ટ્રો હવે ભારત પર મીટ માંડતા થયા છે.

આ સાથે જ રાષ્ટ્રની સુરક્ષા ભારત સરકાર માટે વિશેષ મહત્વની બની રહી છે. છેલ્લા થોડાં વર્ષોમાં દેશની સરકારોએ સંરક્ષણ ક્ષેત્રે (Defence sector) સજાગતા દાખવી છે.

છેલ્લાં પાંચેક વર્ષોમાં દેશના સંરક્ષણ ખર્ચ (Defence Expenditure)માં લગભગ 50% નો વધારો થયો છે. પાંચ વર્ષ પહેલાં સંરક્ષણ ક્ષેત્રે ભારત સરકારનો ખર્ચ આશરે રૂપિયા 65,000 કરોડ હતો તે ચાલુ વર્ષમાં રૂપિયા 96,000 કરોડને વટાવી જાય તેવી શક્યતા છે. છેલ્લાં ત્રણ-ચાર વર્ષોમાં ભારત સરકારની સંરક્ષણ ક્ષેત્રની તૈયારીઓ નોંધપાત્ર છે.

તેમાં અત્યાધુનિક એરક્રાફ્ટ કેરિયર વોરશીપ ‘વિક્રમાદિત્ય’ (મૂળ નામ એડમિરલ ગોર્શકોવ વોરશીપ, Admiral Gorshkov aircraft carrier warship) ની ખરીદીનો સમાવેશ થાય છે. ‘વિક્રમાદિત્ય’ વોરશીપ તેમજ તેના માટે 16 નેવલ એરક્રાફ્ટ મિગ વિમાનો, નૌકાદળ (Indian Navy) માટે છ સ્કોર્પિન (Scorpene) સબમરીન તથા 3 ફાલ્કન એવોક સિસ્ટમ્સ (AWACs Airborne Warning And Command Systems) ની ખરીદી પાછળ ભારત સરકારે નવથી દસ બિલિયન ડોલર જેટલી જંગી રકમ ખચી હોવાનો અંદાજ છે.

ગયા વર્ષે ઇન્ડિયન આર્મી (Indian Army) અને ઇન્ડિયન એરફોર્સ (Indian Airforce) માટે હેલિકોપ્ટર્સ તથા એરક્રાફ્ટ્સ પણ ખરીદવામાં આવ્યાં છે.

ભારત સરકાર આવતા પાંચ વર્ષમાં લશ્કરી દળોને સુસજ્જ કરવા લગભગ 45 બિલિયન ડોલરનો શસ્ત્રસરંજામ ખરીદશે તેવું આયોજન છે.

*  *  ** * * અનન્યા/080126/ આજકાલ-સામાન્યજ્ઞાન/હરીશ દવે/ Ananyaa/ * * *

**  **  *

સામાન્ય જ્ઞાન:

* અમેરિકા (USA) અને રશિયા (USSR)ના અવકાશ સંશોધનના પ્રયાસો વિશે આપે “અનન્યા”ના આગળના અંકોમાં વાંચ્યું. તેમાં આપે અવકાશયાત્રાઓ તેમજ માનવીના ચંદ્ર પર ઉતરાણની વાતો પણ જાણી.

બ્રહ્માંડ (the Universe)ની અને સૂર્યમંડળ ( the Solar System)ના અન્ય ગ્રહોની જાણકારી મેળવવા અમેરિકામરિનર (Mariner), પાયોનિયર (Pioneer), વાઇકિંગ (Viking), વોયેજર (Voyager) વગેરે તથા રશિયાએ વેનેરા (Venera), માર્સ (Mars ) આદિ સ્પેસક્રાફ્ટ્સ છોડ્યાં છે.

અમેરિકામાં અવકાશસંશોધન સંસ્થા નાસા (NASA National Aeronautics and Space Administration ) એ સૂર્યમંડળ અને તેને પાર અવકાશની માહિતી માટે સ્પેસ મિશન આયોજિત કર્યાં.

તે પૈકી કેટલાક નોંધનીય મિશન પર ઊડતી નજર નાખીશું?

મંગળ (Mars) ના ગ્રહને પ્રદક્ષિણા કરનાર અમેરિકાનું પ્રથમ અવકાશયાન ‘મરિનર 9’ (Mariner 9 ) હતું. તેને મે 30, 1971ના રોજ છોડવામાં આવ્યું હતું. તેણે નવેમ્બર 13, 1971ના રોજ મંગળના ગ્રહને પ્રથમ પ્રદક્ષિણા કરી.

મંગળના ગ્રહ પર સફળ ઉતરાણ કરનાર પ્રથમ અમેરિકન અવકાશયાન ‘વાઇકિંગ 1’ ને અમેરિકાએ ઓગસ્ટ 20, 1975ના રોજ છોડ્યું હતું. અમેરિકાનું આ અવકાશયાન વાઇકિંગ 1 લેંડર (Viking 1 Lander) મંગળ પર જુલાઇ 20, 1976ના રોજ ઊતર્યું હતું.

અમેરિકાએ માર્ચ 2, 1972ના રોજ છોડેલ અવકાશયાન ‘પાયોનિયર 10’ ગુરુ (Jupiter) ના ગ્રહ પાસેથી ડિસેમ્બર 4, 1973ના દિને પસાર થયું.

આ અમેરિકન સ્પેસક્રાફ્ટ ‘પાયોનિયર 10’ જૂન 13, 1983 ના રોજ સૂર્યના ગ્રહમંડળ (the Solar System) ની પાર અવકાશમાં જનાર વિશ્વનું પ્રથમ અવકાશયાન બન્યું.

બ્રહ્માંડની અજાણી યાત્રાએ આગળ ધપેલ ‘પાયોનિયર 10’ મિશનનો સત્તાવાર અંત માર્ચ 31, 1997ના રોજ આવ્યો. આમ છતાં છેલ્લે 2002-2003 સુધી અવારનવાર તેના થોડા વિક સિગ્નલ્સ મળ્યા ખરા.

શુક્ર (Venus) પર સફળતાપૂર્વક ઉતરનાર રશિયન અવકાશયાન ‘વેનેરા 7’ હતું જેણે ડિસેમ્બર 15, 1970ના શુક્ર પર ઉતરાણ કર્યું. કમનસીબે ઉતરાણ પછી માત્ર 23 મિનિટમાં વેનેરા મિશન નિષ્ફળ ગયું.

શુક્ર પર ઉતરનાર અમેરિકાનું પ્રથમ અવકાશયાન ‘મેગેલન’ હતું. મે 4, 1989 ના રોજ લોંચ થયેલ અમેરિકન અવકાશયાન ‘મેગેલન’ ઓગસ્ટ 10, 1990ના રોજ શુક્ર પર ઉતર્યું હતું. * * * અનન્યા/080126/ આજકાલ-સામાન્યજ્ઞાન/હરીશ દવે/ Ananyaa/ * * *

ગુજરાતી-અંગ્રેજી

અંગ્રેજી ભાષામાં કેટલાક વિરોધી શબ્દો બનાવવા પૂર્વગ (Prefix) in નો ઉપયોગ થાય છે જ્યારે કેટલાક માટે પૂર્વગ im નો ઉપયોગ થાય છે. એક સાદો નિયમ યાદ રાખવો. જે શબ્દ અંગ્રેજી આલ્ફાબેટ b, m અથવા p થી શરૂ થતા હોય તેમના વિરોધી શબ્દ માટે પૂર્વગ im નો ઉપયોગ કરવો. ઉદાહરણ તરીકે –

Balance – Imbalance , Mature – Immature,  Possible – Impossible

પરંતુ    Ability – Inability,  Visible – Invisible

*

* * * અનન્યા/080126/ આજકાલ-સામાન્યજ્ઞાન/હરીશ દવે/ Ananyaa/ * * *

Advertisements

અનન્યા/071222/આજકાલ-સામાન્યજ્ઞાન

*

અનન્યા/071222/આજકાલ-સામાન્યજ્ઞાન

આજ-કાલ

* ભારતમાં પહેલું કોમ્પ્યુટર HEC-2M કોલકતા (કલકત્તા) માં ઇ.સ. 1955માં કાર્યરત થયું.

1975માં પર્સનલ કોમ્પ્યુટર (PC) અમેરિકન માર્કેટમાં આવ્યા પછી વિશ્વભરમાં કોમ્યુટર્સનો ઉપયોગ કૂદકે ને ભૂસકે વધતો ગયો છે.

1976માં અમેરિકામાં સેમૂર ક્રે (Seymour Cray) નામના કોમ્પ્યુટર એન્જિનિયરે દુનિયાનું સર્વપ્રથમ સુપર-કોમ્પ્યુટર બનાવ્યું.

સામાન્ય શબ્દોમાં સમજાવું તો, જે કોમ્પ્યુટર એક સેકંડમાં કરોડો અટપટી અને સંકુલ માહિતીઓ પર પ્રોસેસિંગ કે તેમની ગણતરી શકે તેને સુપર-કોમ્પ્યુટર કહેવામાં આવે છે.

ક્રેની અમેરિકન કંપનીનું પ્રથમ સુપર-કોમ્પ્યુટર “ક્રે-વન” Cray – 1″ નામથી ઓળખાયું. આ કોમ્પ્યુટરની કિંમત 8.8 મિલિયન ડોલર જેટલી હતી. તે અમેરિકાની એક નેશનલ લેબોરેટરીમાંમાં કાર્યરત થયું.

આ અમેરિકન સુપર-કોમ્પ્યુટર Cray – 1 નો કોમ્પ્યુટિંગ પાવર 160 મેગાફ્લોપ્સ (160 million floating point operations per second) નો હતો.

ત્યાર પછી 1982માં Cray X-MP સુપર-કોમ્પ્યુટર બનાવવામાં આવ્યું. 1988માં Cray Y-MP માર્કેટમાં આવ્યું જેનો કોમ્પ્યુટિંગ પાવર ગીગાફ્લોપને પાર કરી ગયો.

વર્તમાન વિશ્વનું સૌથી ઝડપી સુપર કોમ્પ્યુટર અમેરિકાના ડિપાર્ટમેન્ટ ઓફ એનર્જી પાસે નેશનલ ન્યુક્લિઅર સિક્યોરિટી એડમિનિસ્ટ્રેશન (National Nuclear Security Administration, USA) ને હસ્તક છે.

ભારત પણ આ દોડમાં કેમ પાછળ રહે? “અનન્યા”ના સુજ્ઞ વાચકો જાણતા હશે કે ભારતે અગાઉ ‘પરમ’ (CDAC) તથા ‘અનુપમ’ (BARC) આદિ સુપર કોમ્પ્યુટર્સ ડેવલપ કરેલાં છે.

હવે ટાટા ગૃપ – ટાટા સન્સ (TATA Sons) ની ટીસીએસ (TCS Tata Consultancy Services)  કંપનીએ સુપર કોમ્પ્યુટર ક્ષેત્રે ઝુકાવ્યું છે.

ટાટા સન્સની ટીસીએસના નેજા હેઠળ પૂના(મહારાષ્ટ્ર)ની સીઆરએલ (Computational Research Laboratories : CRL, Pune) ના કોમ્પ્યુટર તજજ્ઞોએ સુપર કોમ્પ્યુટર વિકસાવ્યું છે. “અનન્યા”ના વાચકો નોંધે કે ટાટાએ આ ભારતીય સુપર કોમ્પ્યુટરનું નામ સંસ્કૃતમાં “એક” (Eka means one) રાખ્યું છે.

ટાટાનું “એક” (Eka) ભારતનું જ નહીં, સમગ્ર એશિયા ખંડનું સૌથી ઝડપી સુપર કોમ્પ્યુટર છે.

ટાટા ગ્રુપ (Tata Group)ની ટીસીએસ (TCS Tata Consultancy Services) કંપની દ્વારા પ્રેરિત સુપર કોમ્પ્યુટર “એક” (Eka)નો કોમ્પ્યુટિંગ પાવર 120 ટેરાફ્લોપ્સનો છે. ખાસ સિદ્ધિ એ કે આ સુપર કોમ્પ્યુટરે 172 ટેરાફ્લોપ્સનો peak performance પણ આપેલો છે. સો કરોડ રૂપિયાથી પણ વધુ બજેટના પ્રોજેક્ટ હેઠળ બનેલ સુપર કોમ્પ્યુટર “એક” (Eka) માં ઇન્ટેલ પ્રોસેસર્સ – Dual quad-core Intel Processors – નો ઉપયોગ થયેલો છે. * અનન્યા/071222/આજકાલ-સામાન્યજ્ઞાન/હરીશદવે * *

* *  * *   * *
સામાન્ય જ્ઞાન

.
આજે આપણે અવકાશ-સંશોધન વિશે વાત કરીએ. બ્રહ્માંડ ની, અવકાશની ખોજના માનવીના આરંભિક પ્રયત્નોનો ચિતાર મેળવીએ.

માનવીએ અવકાશમાં મોકલેલ અમાનવ (માનવવિહીન) અને સમાનવ અવકાશયાનોની અવકાશયાત્રાઓનો ઇતિહાસ રસપ્રદ છે. અવકાશ-સંશોધનના શરૂઆતના વર્ષોમાં તે સમયના બે સુપર પાવર અમેરિકા (USA) અને સોવિયેટ રશિયા (USSR) વચ્ચે ભારે સ્પર્ધા રહી.

“અનન્યા”ના વાચકમિત્રો! આપ જાણો છો કે સૌ પ્રથમ માનવનિર્મિત કૃત્રિમ ઉપગ્રહ (artificial satellite / man-made satellite) સોવિયેત રશિયા – યુએસએસઆર દ્વારા 4 ઓક્ટોબર, 1957ના રોજ છોડવામાં આવ્યો. માનવી દ્વારા અવકાશમાં છોડાયેલ આ સૌ પ્રથમ ઉપગ્રહનું નામ સ્પુટનિક – 1 (Sputnik-1) હતું.

તે પછી અમેરિકાએ પોતાનો પ્રથમ ઉપગ્રહ 31 જાન્યુઆરી, 1958ના રોજ છોડ્યો. આ પ્રથમ અમેરિકન ઉપગ્રહનું નામ એક્સપ્લોરર – 1 (Explorer-1) હતું.

3 નવેમ્બર 1957ના રોજ રશિયાએ સજીવ પ્રાણી સાથેનું પ્રથમ અવકાશયાન છોડ્યું. સ્પુટનિક-2 નામક આ રશિયન અવકાશયાનમાં લાયકા નામની કૂતરીને મોકલવામાં આવી હતી.

10 જુલાઈ, 1962ના રોજ અમેરિકાએ સંદેશાવ્યવહારના હેતુથી વિશ્વનો પ્રથમ કૃત્રિમ ઉપગ્રહ લોંચ કર્યો. એટલાંટિક મહાસાગર પારના દેશોમાં એક સાથે ટેલિવિઝનનું પ્રસારણ કરનાર આ અમેરિકન ઉપગ્રહનું નામ ટેલસ્ટાર-1 (Telstar-1) હતું. * અનન્યા/071222/સામાન્યજ્ઞાન/હરીશદવે * * ** *
*

ગુજરાતી-અંગ્રેજી

અંગ્રેજી ભાષાના કેટલાક શબ્દો તેમના મૂળ (Roots) પરથી શીખવામાં મઝા આવે છે. આવું એક મૂળ “MEM” છે જે ‘meminisse’ (યાદ કરવું) શબ્દ પરથી આવેલ છે. અંગ્રેજી મૂળ “MEM” પરથી બનતા શબ્દો જોઇએ:
Memory means ability to recall.

Memorize means to commit to memory.

Remember means to bring to mind.

Memorial mens something that keeps remembrance.

Memorandum means a note; a reminder.

Memoir means an official note or report. * * * અનન્યા/071222/ગુજરાતી-અંગ્રેજી/હરીશદવે * * ** *

*

અનન્યા/071124/પ્રથમપૃષ્ઠ

.
આપ સમક્ષ “અનન્યા”નો છઠ્ઠો અંક પ્રસ્તુત છે.

“અનન્યા”નો પ્રથમ અંક વિજયા દશમી (દશેરા) ના શુભ દિને તા. 21/10/2007ના રોજ પ્રકાશિત થયો.

અનન્યા”નો બીજો અંક 27/10/07ના રોજ પ્રગટ થયો. આ અંકમાં કેલિફોર્નિયા (અમેરિકા – USA ) ની આગના સમાચાર, મિલિયન, બિલિયન, ટ્રિલિયન જેવા આંકડાઓની સમજૂતિ તથા સુઝલોન અને ઇન્ટરનેટ જગતની અવનવી માહિતી હતી.

“અનન્યા” નો ત્રીજો અંક 03/11/07ના દિને પ્રગટ થયો. તેમાં હચ – વોડાફોન, બ્રહ્માંડ, આકાશ ગંગા ઉપરાંત આઈઆઈએમ – અમદાવાદ, ભારતમાં ઇન્ફ્રાસ્ટ્રક્ચર ક્ષેત્ર, રીટેઇલ બિઝનેસ, ફ્યુચર ગ્રુપ, સિસ્કો અને આર્જેન્ટિનાના સમાચાર આપે જાણ્યા.

અનન્યા”નો ચોથો અંક દીપાવલિ – નૂતન વર્ષ અંક તરીકે 10/11/07ના રોજ પ્રસિદ્ધ થયો. આ અંકમાં નોબેલ પ્રાઇઝ અને સૂર્યની જાણકારી ઉપરાંત ગુગલ સર્ચ, મહાત્મા ગાંધીની દાંડીકૂચ, બોલિવુડ – હોલિવુડના ફિલ્મ ઉદ્યોગની માહિતી હતી. આ દીપાવલિ અંકથી ફિલ્મ-સિનેમાના ઇતિહાસ પર રસપૂર્ણ લેખમાળાનો આરંભ થયો.

“અનન્યા”નો પાંચમો અંક 17/11/07ના રોજ પ્રગટ થયો. તે અંકમાં ભારત-જાપાન વ્યાપાર સંબંધો, સૂર્યમંડળ, વેબ્સ્ટર અને ઓક્સફર્ડ અંગ્રેજી ડિક્ષનેરી ઉપરાંત સૌથી વધુ સંપત્તિવાન ગુજરાતીઓની ફોર્બ્સ યાદી – આદિ માહિતી આપે વાંચી. આ અંકમાં ફ્રાંસના લુમિયેર બ્રધર્સ દ્વારા મુંબઈમાં યોજાયેલા ભારતના પ્રથમ ફિલ્મ શોની વાત હતી.

“અનન્યા”ના દરેક અંકમાં ગુજરાતી નેટ જગત પર એક પૃષ્ઠ પ્રગટ થતું રહ્યું છે.

આપના પ્રતિભાવ આપતા રહેશો. આપના સહકારની અપેક્ષા છે. * અનન્યા/071124/હરીશ દવે *

અનન્યા/071103/ આજકાલ–સામાન્યજ્ઞાન

.

અનન્યા/071103/ આજકાલસામાન્યજ્ઞાન

* આજકાલ:

આજકાલ ભારતમાં વોડાફોન નામ ખૂબ ગાજી રહ્યું છે.

વોડાફોન (Vodafone) નામથી હવે આપ સૌ પરિચિત છો. વોડાફોન યુ.કે. (United Kindom) ની કંપની છે. હાલ વોડાફોન વિશ્વની સૌથી મોટી મોબાઇલ ફોન ઓપરેટર કંપની છે. પ્રથમ નંબરની કંપની તરીકે વોડાફોનની વર્તમાન માર્કેટ વેલ્યુ આશરે 150 બિલિયન ડોલર્સથી વધારે છે.

વિશ્વમાં બીજા નંબરે આવતી મોબાઇલ ફોન કંપની ઓસ્ટ્રેલિયાની ટેલસ્ટ્રા (Telstra) કંપની છે.

ભારતની સૌથી મોટી મોબાઈલ ફોન ઓપરેટર કંપની ભારતી એરટેલ (Bharti Airtel)  છે. તેની વેલ્યુ આશરે 53 બિલિયન કરોડ ડોલર (રૂપિયા 210000 કરોડ)  જેટલી  અંકાય છે. ભારતમાં બીજો ક્રમ રિલાયંસ કોમ્યુનિકેશન્સ (Reliance Communications) નો છે.

બ્રિટીશ કંપની વોડાફોન હવે ભારતમાં આવી ગઈ છે.

ગયા જાન્યુઆરી-ફેબ્રુઆરી 2007માં વોડાફોન કંપનીએ ભારતની હચિસન એસ્સાર લિમિટેડ (અથવા હચ Hutch) હસ્તગત કરી. ભારતમાં હચ (Hutch) ના નામ-રંગમાં પરિવર્તન થતાં રહ્યાં છે. 1999માં ઓરેંજ (Orange) કંપની તરીકે તેણે ઓરેંજ રંગ અપનાવ્યો. 2002માં કંપની હચ તરીકે ઓળખાઈ. 2005ના અંતમાં હચનો રંગ ઓરેંજમાંથી પીંક બન્યો.

હવે હચને વોડાફોન કંપનીએ ખરીદી છે. હચના પિંકમાંથી વોડાફોનનો રંગ રેડ થયો છે.

અને છેલ્લે એક અધધ … વાત!

હચથી વોડાફોન બ્રાંડઇમેજ બદલવાનો ખર્ચ રૂપિયા 500 કરોડ જેટલો થશે. ભારતના કોર્પોરેટ ઈતિહાસમાં આ સૌથી મોંઘું બ્રાંડ-ઇમેજ પરિવર્તન હશે !!! ** અનન્યા/071103/ 

**  **  **   **  **   **   **  **  ** 

* સામાન્યજ્ઞાન

આપણો સૂર્ય એક તારો છે.

આવા કરોડો તારા મળી એક મંદાકિની અથવા ગેલેક્સી’ (Galaxy) બને છે.

આવી કરોડો ગેલેક્સી મળી આપણું બ્રહ્માંડ (The Universe) રચાય છે. આપણાં બ્રહ્માંડ જેવાં અનેક બ્રહ્માંડ છે.

અવકાશમાં દૂર-સુદૂર અગણિત તારા અને ગેલેક્સીઓ વિસ્તરેલ છે. તેમની વચ્ચેનાં અંતર માપવા કિલોમીટર તો ક્ષુલ્લક માપ ગણાય. તેથી અવકાશીય અંતર માટે મહાપ્રચંડ માપ/એકમ પ્રયોજવામાં આવે છે.

પ્રકાશની ગતિ એક સેકંડના 2,99,792.458 કિલોમીટરની (શૂન્યાવકાશમાં) છે.

એમ કહી શકાય કે પ્રકાશ એક સેકંડમાં લગભગ ત્રણ લાખ કિમી અંતર કાપે છે.

આ ગતિથી પ્રકાશ એક વર્ષમાં જે અંતર કાપે તેને એક પ્રકાશવર્ષ (Light year) કહે છે. 

એક પ્રકાશવર્ષ = 9.46 x 1012 કિમી.

અવકાશીય અંતર માપવાનો બીજો એક એકમ પારસેક (parsec) છે. એક પારસેક = 3.26 પ્રકાશ વર્ષ.

આપણે બ્રહ્માંડની વિશાળતાનો તાગ મેળવીએ. આપણે માત્ર આપણા જ બ્રહ્માંડની વાત કરીએ.

બ્રહ્માંડ અગણિત ગેલેક્સીઓનું બનેલું છે. Galaxies are the building blocks of the universe.

દરેક ગેલેક્સી કરોડો તારાઓ, હાઇડ્રોજન ગેસ તથા રજ (Dust) થી રચાય છે. એક વૈજ્ઞાનિક અંદાજ મુજબ, આપણી એક ગેલેક્સીમાં 1011 તારા છે.

આપણા બ્રહ્માંડમાં આવી 1011 ગેલેક્સીઓ છે.

અર્થાત્ આપણા બ્રહ્માંડમાં કુલ 1022 તારા હોવાનો અંદાજ છે.

1022 એટલે 10,00,00,00,00,00,00,00,00,00,000 તારા !!!

એક નવાઈની વાત આવી વિશાળ ગેલેક્સીઓ એકબીજાથી સતત દૂર દૂર જઈ રહી છે! બીજા શબ્દોમાં, બ્રહ્માંડ વિસ્તરી રહ્યું છે!!!

આપણી પૃથ્વી, અન્ય ગ્રહો અને આપણો સૂર્ય મળીને આપણું સૌરમંડળ રચાય છે. આપણું સૌરમંડળ જેને આભારી છે, તે સૂર્ય એક તારો છે. આવા કરોડો તારા મળી આપણી ગેલેક્સી બની છે. આપણી ગેલેક્સીને આપણે આકાશગંગા (Milky Way)  નામથી ઓળખીએ છીએ. આપણી ગેલેક્સી આકાશ ગંગા (મિલ્કી વે) વલયાકાર સ્પાઇરલ છે.

આકાશગંગાનો વ્યાસ એક લાખ પ્રકાશવર્ષ છે. અર્થાત્ ગેલેક્સીના એક છેડેથી બીજે છેડે સુધી પહોંચવામાં પ્રકાશને એક લાખ વર્ષ લાગે!! ** અનન્યા/071103

**  **  **  **  **  **  **  ** 

* ગુજરાતી-અંગ્રેજી ભાષા:

આપને કદી પ્રશ્ન થયો છે કે અંગ્રેજી ડિક્ષનેરીમાં સૌથી લાંબો શબ્દ કયો? આના ઉત્તર અંગે મતભેદ છે પણ અંગ્રેજી ભાષામાં આટલો લાંબો શબ્દ આપે જોયો છે?  Pneumonoultramicroscopicsilicavolcanoconiosis.

આ શબ્દ 45 અક્ષરોનો બનેલો છે. તે ફેફસાંના સોજાના એક રોગનું નામ છે. રેતી, પથ્થર આદિના  અતિ સૂક્ષ્મ રજકણો ફેફસાંમાં જવાથી ત્યાં સોજો આવે છે. આ બીમારીપૂર્ણ સ્થિતિ માટે ઉપરોક્ત શબ્દ વપરાય છે.

* આપે Numero Uno શબ્દ સાંભળ્યો છે?

લેટિન ભાષા પરથી અંગ્રેજી આદિ ભાષાઓમાં વપરાતા આ શબ્દનો અર્થ છે પ્રથમ ક્રમનું, શ્રેષ્ઠ, ઉત્તમ. સર્વપ્રથમ. Number One.

આપણને રસ પડે તેવો લેટિન શબ્દ છે Unus.

લેટિન શબ્દ Unus  એક સૂચવે છે. આ લેટિન શબ્દ પરથી કેટલાક અંગ્રેજી શબ્દો બન્યા છે.

Unit એટલે એકમ.  Unify એટલે એક કરવું કે એક થવું, Unity એટલે એક સાથે હોવાની સ્થિતિ કે એકતા.   Union એટલે એક થયાની કે એક સાથે રહેવાની/જોડાવાની સ્થિતિ. Uniform  એટલે એક જ સ્વરૂપનું કે એક જ પ્રકારનું. Unique  એક માત્ર; તે પ્રકારનું એક અને માત્ર એક જ. ** અનન્યા/071103

.