* *
અનન્યા/071208/દેશ-દુનિયા
* *
** * મોબાઇલ ટેલિફોન સેવા ક્ષેત્રે ભારતની બે અગ્રણી કંપનીઓ રિલાયન્સ કોમ્યુનિકેશન્સ (R-COM) અને ટાટા (Tata) ટેલિસર્વિસીઝ નજીકના ભવિષ્યમાં સીડીએમએ ( CDMA) ટેકનોલોજીમાંથી જીએસએમ (GSM) ટેકનોલોજી અપનાવશે.
આપ જાણતા હશો કે બીએસએનએલ, ભારતી એરટેલ, વોડાફોન - હચ , આઇડિયા આદિ ટેલિકોમ કંપનીઓ જીએસએમ ટેકનોલોજીનો ઉપયોગ કરે છે.
વિશ્વમાં મોબાઇલ ટેલિફોન સેવા ક્ષેત્રે સીડીએમએ ટેકનોલોજીનાં વળતાં પાણી છે. છેલ્લા બે વર્ષમાં ઓસ્ટ્રેલિયાની ટેલસ્ટ્રા (Telstra) અને બ્રાઝિલની વિવો કંપનીએ પણ સીડીએમએ ( CDMA) ટેકનોલોજીને સ્થાને જીએસએમ (GSM) ટેકનોલોજી અપનાવી છે. નવાઈની વાત એ હશે કે બીએસએનએલ (BSNL) સીડીએમએ ટેકનોલોજી સાથે પોતાની ટેલિફોન સેવાઓનું વિસ્તરણ કરવા આયોજન કરી રહી છે!!*
* * ડાબર (Dabur) કંપની આયુર્વેદિક પ્રોડક્ટ્સના સહારે 2200 કરોડ રૂપિયાના ટર્નઓવરને પાર કરી ગઈ છે. ડાબર ચ્યવનપ્રાશનું વેચાણ પોણા બસો કરોડ સુધી પહોંચી ગયું છે. બાલ-કિશોર વર્ગને આકર્ષવા ડાબર કંપનીએ ચોકલેટ ફ્લેવરમાં “ચ્યવન જુનિયર” તરીકે ચ્યવનપ્રાશ પ્રોડક્ટ મૂકી છે. * * * અનન્યા/071208/હરીશ દવે * *
* અમેરિકાના વિશ્વપ્રસિદ્ધ ફોર્બ્સ (Forbes) મેગેઝિન વખતોવખત દુનિયાના વિવિધ ક્ષેત્રોના અગ્રેસરો કે નોંધપાત્ર વ્યક્તિઓની યાદીઓ પ્રકાશિત કરે છે. તાજેતરમાં ફોર્બ્સમાં વિશ્વની અગ્રગણ્ય પાવરફુલ મહિલાઓનો રિપોર્ટ આવેલ છે. ફોર્બ્સના અનુસાર જર્મનીના ચાન્સેલર એંજેલા મેર્કેલ (Angela Merkel, Chancellor of Germany) સૌથી પાવરફુલ મહિલા છે. તે પછીના ક્રમે બિરાજમાન મહિલાઓ ક્રમાનુસાર આ પ્રમાણે છે: ચીનના વાઇસ પ્રિમિયર વુ યી, ટેમાસેક (હોંગકોંગ) ના સીઈઓ હો ચિંગ, અમેરિકા (USA) ના સેક્રેટરી ઓફ સ્ટેટ કોન્ડોલિઝા રાઇસ, અમેરિકાની પેપ્સીકોના સીઇઓ ઇન્દ્રા નૂયી. આપ જાણતા હશો કે પેપ્સીકોના ઇન્દ્રા નુયી ભારતીય મૂળના અમેરિકન છે. * *
* * * ટાટા ગ્રુપ (Tata Group) ના ચેરમેન રતન ટાટાને “એશિયા – મની” મેગેઝિન દ્વારા એશિયા-પેસિફિક પ્રદેશના સૌથી વધુ પ્રભાવશાળી બિઝનેસમેન તરીકે સન્માનવામાં આવ્યા છે. ટાટાના ઔદ્યોગિક સામ્રાજ્ય (Tata Group of Companies) ની બધી મળીને 90 થી વધારે કંપનીઓ છે. ટાટા ગ્રુપના નેજા નીચે ટાટા સ્ટીલ (Tata Steel), ટેલ્કો (Telco) , ટાટા મોટર્સ (Tata Motors), ટાટા કન્સલ્ટન્સી સર્વિસીઝ કે ટીસીએસ (TCS), ઇન્ડિયન હોટેલ્સ, ટાટા ટેલિકોમ, ટાટા કેમિકલ્સ, ટાટા ટી જેવી પ્રતિષ્ઠિત કંપનીઓ છે. ટાટા ગ્રુપની 28 મોટી કંપનીઓનું માર્કેટ કેપિટલાઇઝેશન હાલ આશરે 2,90,000 કરોડનું આંકી શકાય.
ટાટા ગ્રુપના ઔધોગિક સામ્રાજ્યમાં 2,70,000 જેટલા કર્મચારીઓ છે. ટાટા કન્સલ્ટન્સી સર્વિસીઝ (ટીસીએસ, TCS, Tata Consultancy Services) ના કર્મચારીઓની સંખ્યા આ વર્ષે એક લાખને વટાવી જશે ત્યારે ટીસીએસ ભારતમાં સૌથી વધારે કર્મચારીઓ ધરાવતી ખાનગી ક્ષેત્રની કંપની બનશે. * * * અનન્યા/071208/હરીશ દવે * *
* *
Filed under: દેશ-દુનિયા, વિષય: આર્થિક/વાણિજ્ય, વિષય: સમાચાર, વિષય: સામાન્ય જ્ઞાન | Tagged: Ananyaa, અનન્યા, અમેરિકા, ગુજરાત, ગુજરાતી, ગુજરાતી નેટ જગત, ગુજરાતી બ્લોગ, ટાટા ગ્રુપ, ટીસીએસ, દેશ-દુનિયા, મોબાઇલ ટેલિફોન, હરીશ દવે, Forbes, Gujarat, Gujarati, Gujarati Blog, Gujarati Net Jagat, Harish Dave, Tata Group, TCS
[...] ઉદ્યોગ ક્ષેત્રે ટાટા ગ્રુપ (તાતા ગ્રુપ, Tata Group) શિખરે બિરાજે [...]
[...] અનન્યા/071208/દેશ-દુનિયા [...]
[...] ભારતના ટાટા ગ્રુપ ( તાતા ગ્રુપ Tata Group ) ની કંપની તાતા મોટર્સ (ટાટા મોટર્સ Tata Motors [...]
[...] સમયે ભારતના ટાટા ગ્રુપ (Tata Grup of Companies) ની ટાટા મોટર્સ (Tata Motors) ની લાખ [...]
[...] ટાટા ગ્રુપ (TATA Group) ની પ્રથમ કંપની ટાટા આયર્ન એન્ડ સ્ટીલ કંપની (TISCO) નો આ ભારતીય સ્ટીલ પ્લાંટ પૂર્વ ભારતમાં સુવર્ણરેખા અને ખરકાઈ (ખારકાઈ) નદીને કિનારે સાકચી ગામ નજીક ઊભો થયો જે ગામ સમય વીત્યે ટાટાનગર તરીકે ઓળખાયું. [...]